विम्बावेविरुद्ध टस जितेर नेपालले बलिङ गर्दै, खेल ३३ ओभरमा घटाइयो

नेपाल र जिम्बावे एको तीने खेलको शृंखलाअन्तर्गत अन्तिम तथा निर्णायक खेल सोमबार हुँदैछ।

नेपाल समय | सोमबार, वैशाख २६, २०७९

नेपाल समय

सोमबार, वैशाख २६, २०७९

विम्बावेविरुद्ध टस जितेर नेपालले बलिङ गर्दै, खेल ३३ ओभरमा घटाइयो

काठमाडौं- नेपाल र जिम्बावे एको तीने खेलको शृंखलाअन्तर्गत अन्तिम तथा निर्णायक खेल सोमबार हुँदैछ। कीर्तिपुरको त्रिवि क्रिकेट मैदानमा तेस्रो खेलमा निर्धारित समयभन्दा साढे दुई घण्टापछि नेपाल र जिम्बावे एबीच टस भएको छ।

टस जितेको नेपालले पहिले बलिङ गर्ने भएको छ भने जिम्बावे ब्याटिङमा उत्रँदैछ। मैदानको आउटफिल्डमा पानी जमेपछि १२ बजेसम्म टस हुन सकेको थिएन।

मैदानमा ड्रेनेज व्यवस्थित नभएपछि आउटफिल्डमा पानी जमेको कारण बिहान साढे ९ बजे हुनपर्ने टस १२ बजेसम्म हुन नसकेको हो।

यसअघि नेपाल र जिम्बावे ए सिजिरको पहिलो खेलमा पाहुना टिम जिम्बावेले जित निकालेको थियो। दोस्रो खेलमा भने नेपालले जिम्बावेलाई हराएर सिरिज १–१ को बराबरी गरेको थियो। त्यसैले आजको खेल जित्ने टिमले सिरिज जित्नेछ।

प्रकाशित: May 09, 2022| 12:22 सोमबार, वैशाख २६, २०७९