आउटफिल्ड राम्रो नहुँदा नेपाल र जिम्बावेको टस नै हुन सकेन

काठमाडौं- नेपाल र जिम्बावे एको तीने खेलको शृंखलाअन्तर्गत अन्तिम तथा निर्णायक खेल सोमबार हुँदैछ। कीर्तिपुरको त्रिवि क्रिकेट मैदानमा तेस्रो खेल हुन लागे पनि ११ बजेसम्म टस हुन सकेको छैन।

मैदानमा ड्रेनेज व्यवस्थित नभएपछि आउटफिल्डमा पानी जमेको कारण बिहान साढे ९ बजे हुनपर्ने टस ११ बजेसम्म हुन नसकेको हो।

यसअघि नेपाल र जिम्बावे ए सिजिको पहिलो खेलमा पाहुनो टिम जिम्बावेले जित निकालेको थियो। दोस्रो खेलमा भने नेपालले जिम्बावेलाई हराएर सिरिज १-१ को बराबरी गरेको थियो।

त्यसैले आजको खेल जित्ने टिमले सिरिज जित्नेछ। तर, सुरुमा साढे ९ बजे, सवा १० बजे र ११ बजेको अम्पायर इन्स्पेक्स्नमा पनि मैदान खेल्न लायक नपाइएपछि टस हुन नसकेको हो।

मैदानको अर्को निरीक्षण सवा १२ बजे हुने आयोजकले बताएको छ। त्यस्तै  खेलको कट अफ टाइम २:४० मा रहेको छ।