आइपिएलमा बैंगलोर र चेन्नईको जित

काठमाडौं- इन्डियन प्रिमियर लिग (आईपीएल) को आइतबार राति सम्पन्न दुई खेलमा रोयल च्यालेन्जर्स बैंगलोर र चेन्नई सुपर किंग्सले जित निकालेका छन्। वांखडे रंगशालामा राति भएको आईपीएलको ५४औं खेलमा बैंगलोरले सनराइजर्स हैदराबादलाई ६७ रनले हराएको हो।

टस जितेर पहिले ब्याटिङ गरेको बैंगलोरले पुरा ओभर खेल्दै तीन विकेट गुमाइर १९२ रन बनाएको थियो। जवाफमा हैदराबाद चार बल बाँकी रहँदै १२५ रन बनाएर अलआउट भयो। बैंगलोरका वानिन्दूले सर्वाधिक पाँच विकेट लिए। यता पहिलो पारीमा अविजित रहेका फाफ डु प्लेसिसले ७३ रन बनाएका थिए।

आइतबार रातिकै ५५ औं खेलमा भने चेन्नईले दिल्ली क्यापिटललाई ९१ रनले हाराएको छ। डी वाई पाटिल रंगशालामा टस हारेर पहिले ब्याटिङ गरेको चेन्नईले २०८ रन बनाएको थियो। जवाफमा दिल्ली क्यापिटल १७ ओभर चार बलमै अलआउट भएर ११७ रन मात्र बनाउन सक्यो।

यससँगै चेन्नईले सानदार जित निकालेको हो। चेन्नईका लागि ७८ रन बनाउने डेवोन कोन्वे प्लेयर अफ दि म्याच बने। दोस्रो पारीमा चेन्नईका मोइन अलीले सबैभन्दा धेरै तीन विकेट लिए। यो जितसँगै बैंगलोर चौथो स्थानमा छ भने चेन्नईले पुछारबाट तेस्रो स्थानमा छ।