काठमाडौं- उपाधि जितिसकेको रियल मड्रिडले स्पेनिस ला लिगामा एथ्लेटिको मड्रिडसँग खेल्दै छ। एथ्लेटिकोको मैदानमा हुने खेल राति पाउने एक बजे सुरु हुनेछ।
शीर्ष चारमा स्थान सुरक्षित गर्दै अर्को पटकको च्याम्पियन्स लिगमा स्थान बनाउनका लागि एथ्लेटिककोलाई आजको खेल जित्नै पर्ने दबाब छ। उता रियल मड्रिडले भने यस पटकको ला लिगा आफ्नो पोल्टामा पारिसकेको छ।
रियलले लिग सकिनु चार खेल अगाडि नै लिग जितिसकेको छ। अघिल्लो साता एस्पानियोललाई हराउदै रियलले उपाधि जितेको हो। उपाधि जितिसकेका कारण रियललाई आजको खेलमा पराजित भएपनि कुनै प्रभाव भने पर्ने छैन। चोटका कारण एथ्लेटिकोका फरवार्ड जोआओ फेलिक्स बिना नै मैदान उत्रिँदै छ।