चितवनपछि ओली बुटवल आउने

बुटवल– नेकपा एमालेका अध्यक्ष केपी शर्मा ओली आज आइतबार बुटवल आउने भएका छन्। आसन्न स्थानीय तहको निर्वाचन लक्षित गरी बुटवलमा हुने चुनावी आमसभालाई सम्बोधन गर्न ओली बुटवल आउने कार्यक्रम तय भएको हो।

बुटवलको देवीनगरस्थित वाणिज्य क्याम्पस नजिकै रहेको खुला मैदानमा आमसभा गरिने नेकपा एमाले रुपन्देहीका अध्यक्ष तेजेन्द्र के।सीले बताए। चितवनको आमसभालाई सम्बोधन गरेपछि उनी यहाँ आउने कार्यक्रम छ।

चुनावी सभालाई एमालेका उपाध्यक्ष विष्णु पौडेल, सचिव छविलाल विश्वकर्मा लगायतका नेताहरुले सम्बोधन गर्ने अध्यक्ष केसीले बताए। पाँच दलीय गठबन्धनले शनिबार बुटवलमा चुनावी सभा गरेको थियो। बुटवलमा योपटक पाँच दलीय गठबन्धनसँग एमालेले जनमुक्ति पार्टीको सहारा लिएर चुनावमा होमिएको छ।