काठमाडौं- प्रिमियर लिगमा उपाधि दावेदार लिभरपुल प्रतिद्वन्द्वी टोटेनहम हट्स्परसँग घरेलु मैदानमा बराबरीमा रोकिएको छ। लिभरपुलको एनफिल्ड मैदानमा भएको खेलमा घरेलु टिम लिभरपुलले १-१ को बराबरी खेलेको हो।
एक गोलले पछि परेको अवस्थाबाट लिभरपुलका लुई डियाजले ७४औं मिनेटमा गोल गर्दै खेललाई बराबरी गरेका हुन्।
शनिबार रातिकै अर्को खेलमा भने म्यानचेस्टर युनाइटेडले ब्राइटोनसँग ४-० को लज्जास्पद हार बेहोरेको छ। युनाइटेडविरुद्ध ब्राइटोनका मोइसे साइसेडो, मार्क कुकुरेला, पास्कल ग्रोब र लियान्द्रो ट्रोसार्डले गोल गरेका थिए।