वरिष्ठ न्यायाधीश मिश्रले तोके पेशी 

काठमाडौं- कामु प्रधान्यायाधीश दीपकराज जोशी बिदामा बसेपछि सर्वोच्च अदालतका न्यायाधीश ओमप्रकाश मिश्रले आइतबार पेशी तोकेका छन्। 

पेशीको सूचीमा जोशीको नाम समावेश छैन। मिश्रले आफ्नो इजलासमा मात्रै ५७ वटा पेशी तोकेका छन्। कामु प्रधानन्यायाधीश जोशी आइतबारदेखि १५ दिनका लागि बिदा बसेका छन्। 

विभिन्न पाँच वटा कारण देखाउँदै संसदीय सुनुवाइ विशेष समितिले गत शुक्रबार जोशीलाई ‘कन्फर्म’ प्रधानन्यायाधीश बनाउन अस्वीकार गरेको थियो। उनले राजिनामा दिने अपेक्षा पूरा नहुने देखेपछि सत्तापक्षले महाभियोग लगाउने चेतावनी पनि दिएको थियो।