जिम्बावेविरुद्ध नेपालको सानदार जित

काठमाडौं- कीर्तिपुरस्थित त्रिभुवन विश्वविद्यालयको क्रिकेट मैदानमा जारी दुईदेशिय शृंखलाअन्तर्गत दोस्रो खेल जिम्बावे ए टिमविरुद्ध नेपाली टिमले सानदार जित निकालेको छ।

एकदिबसिय शृङ्खलाको पहिलो खेलमा जित निकालेर दोस्रो खेलमा नेपालविरुद्ध सस्तैमा समेटिएको जिम्बावेले  ९ विकेटको हार बेहोरेको हो। टस हारेर पहिले ब्याटिङ गरेको जिम्बाबेले ३१ ओभर पाँच बल खेल्दै सम्पूर्ण विकेट गुमाएर ८७ रन समेटिएको थियो।

जिम्बावेविरुद्ध पहिलो बलमै विकेट लिएको नेपाली अलराउन्डर करण केसीले तीन विकेट गिराए। त्यस्तै, नेपाली फास्ट बलर सोमपाल कामीले पनि सात  ओभर बलिङ गर्दै तीन विकेट गिराए। कसिलो बलिङ गरेको नेपालका कप्तान सन्दीप लामिछानेले पनि दुई विकेट गिराए भने सागर ढकालले एक विकेट लिएका थिए।

खेलमा जिम्बावेका इनोसेन्ट किया पहिलो बलमै आउट भए। त्यसपछी ताडिबान्सी मरुमानी, रोय किया, टोनी मुन्योङा र क्लिव मन्डने र लुके जंवे र ब्रान्डन मभुताले दोहोरो अंकमा रन बनाउनै सकेनन्। जिम्बावेका लागि जोनाथन क्याम्प्बेलले सर्वाधिक २७ रन बनाए भने ब्राड एभन्सले २० रनको योगदान दिए। सेफस झुवाओले पनि १० रन बनाएका थिए।

जवाफमा नेपाली ओपनर सुनिल धमला ३८ बलमा ३६ रन बनाएर अउट भए भने आसिफ शेख ३४ बलमा अबिजित रहे। जिम्बावेका ब्रान्डमले मात्र विकेट लिए।