जाजरकोट पहिरो अपडेट : पुरिएर ८ को मृत्यु

सुर्खेत- जाजरकोट सदुरमुकाम खलंगा ठाँटीबजार नजिकै पहिरो जाँदा ८ जनाको मृत्यु भएको छ ।

 अविरल वर्षापछि गएको पहिरोले स्थानीय तीर्थ बोहरा र गोपाल सुनारको घर बगाउदा पुरिएर ८ जनाको मृत्यु भएको हो । 

पहिरोमा परी एकै परिवारका नविन परियार, गोविन्द परियार, नरेन्द्र परियार, दर्शक परियारको मृत्यु भएको प्रहरीले जनाएको छ । तीर्थ बोहराको घरमा डेरा गरी बस्ने लालबहादुर लोहारको जीवित उद्धार गरी जिल्ला अस्पतालमा उपचार भइरहेको छ भने लोहारकी श्रीमती, छोरी र दुई छोरासमेतको मृत्यु भएको छ । मृतकहरुको सनाखत हुन सकेको छैन् । 

पहिरोमा पुरिएर अझै केहि हराइरहेको आशंकामा खोजी र उद्धार कार्य तिब्र पारेको घटनास्थलमा रहेका प्रहरी हवल्दार इन्द्रजित सुनुवारले जानकारी दिए । वेपत्ता भएकाहरुको खोजीका लागि अहिले नेपाल प्रहरी, सशस्त्र प्रहरी, नेपाली सेना र स्थानीय खटिएका छन् । एक जनालाई भने प्रहरीले घाइते अवस्थामा उद्धार गरेको छ ।