टस जितेर बलिङ गरेको नेपालको राम्रो सुरुआत

काठमाडौं- काठमाडौंमा जारी नेपाल र जिम्बावे ए को दुई पक्षीय एक दिवसीय सिरिजको दोस्रो खेलमा नेपालले टस जितेर बलिङ सुरु गरेको छ।

कीर्तिपुरको त्रिवि क्रिकेट मैदानमा भर्खरै सुरु भएको खेलमा नेपालले टस जितेर बलिङ सुरु गरेको हो।

खेलमा नेपाले राम्रो सुरुआत गरेको छ। पहिलो ओभरमै नेपालले जिम्बावेको इनोसेन्ट कियालाई आउट गराउँदै राम्रो सुरुआत गरेको हो। बलर करण केसीले पहिलो ओभरको पहिलो बलमै विकेट हाट पारेका हुन्।

इनोसेन्ट गोल्डेन डगआउट भए। अघिल्लो दिनको खेलमा जिम्बावेको ए टिमले नेपालमाथि तीन विकेटको जित हात परेको थियो। नेपाली टिम आज जितको लक्ष्यका साथ मैदान प्रवेश गरेको छ।

यसअघि सम्पन्न यी दुई टिमको टी २० सिरिजमा भने १-१ को बराबरी भएको थियो।