काठमाडौं- मुम्बई इन्डियन्स इन्डियनले प्रिमियर लिग (आईपीएल) टी-ट्वान्टी क्रिकेट प्रतियोगितामा दोस्रो जित निकाल्दै शीर्ष स्थानको गुजरात टाइटन्सलाई पाँच रनले पराजित गरेको छ।
शुक्रबार राति मुम्बईले दिएको १ सय ७८ रनको लक्ष्यसहित जवाफी ब्याटिङ गरेको गुजरातले २० ओभरमा ५ विकेट गुमाएर मात्र १ सय ७२ रन मात्र बनाउन सक्यो।
मुम्बईलाई जितको लागि अन्तिम ओभरमा ९ रन आवश्यक भए पनि तीव्र गतिका बलर ड्यानियल साम्सले ३ रन मात्र खर्चेपछि मुम्बईले नाटकीय जित हात पारेको हो।
उनले पहिलो बलमा १ रन दिए। दोस्रो बल राहुल टेवाटियालाई डट राखे। तेस्रो बलमा टेवाटिया २ रन लिने क्रममा रन आउट भए। चौथो बलमा राशिद खानले पनि १ रन लिए। बाँकी २ बलमा ६ रन चाहिएको थियो। पाँचौँ बल डट राखे। अन्तिम बलमा ६ रन आवश्यक रहेका बेला सास्मले डट बल फालेसँगै मुम्बईले रोमाञ्चक जित निकाल्यो।
गुजरातका लागि रिद्धिमान साहले सर्वाधिक ५५ रन तथा सुबमन गिलले ५२ रनको योगदान गरे। मुम्बईका मुरुगान आश्विनले २ विकेट लिए।