जाजरकोटमा पहिरोले पुरिएर एकै परिवारका ४ जनाको मृत्यु

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

सुर्खेत- अविरल वर्षापछि जाजरकोट सदुरमुकाम खलंगा ठाँटीबजार नजिकै पहिरोले दुई घर पुर्दा मृत्यु हुने संख्या ४ पुगेको छ । पहिरोमा पुरिएर अझै ३ जना वेपत्ता भएका छन् ।

पहिरोले तीर्थ बोहरा र गोपाल सुनारको घर पहिरोले पुरिएको हो । तीर्थ बोहराको घरमा डेरा गरी बस्ने लालबहादुर लोहारको जीवित उद्धार गरी जिल्ला अस्पतालमा उपचार भइरहेको छ भने लोहारकी श्रीमती, छोरी र दुई छोरासमेतको मृत्यु भएको छ । मृतकहरुको सनाखत हुन सकेको छैन् ।

गोपाल सुनारको घरसमेत पुरिएकाले उद्धारकार्य जारी रहेको प्रमुख जिल्ला अधिकारी ललितकुमार बस्नेतले जानकारी दिए । अहिले घटनास्थलमा सेना, प्रहरी, सशस्त्र प्रहरीको सक्रियतामा उद्धारकार्य जारी रहेको छ ।

प्रकाशित: Dec 31, 2017| 18:23 आइतबार, पुस १६, २०७४