जाजरकोटमा पहिरोले दुई घर पुर्‍याे, एकको मृत्यु, ६ वेपत्ता

सुर्खेत- अविरल वर्षापछि जाजरकोट सदुरमुकाम खलंगा ठाँटीबजार नजिकै पहिरोले दुई घर पुर्दा एक जनाको मृत्यु भएको छ भने ६ जना वेपत्ता भएका छन् ।  पहिरोले तिर्थ बहादुर बोहरा र गोपाल सुनारको घर पुरिएको हो ।

पहिरोमा परी ज्यान गुमाउनेको  नाम खुल्न नसकेको प्रहरीले जनाएको छ । वेपत्ता भएकाहरुको सेना, प्रहरी र स्थानीयको सक्रियतामा खोजी कार्य तिब्र पारिएको घटनास्थलमा रहेका पत्रकार रुपेश बुढाथोकीले जनाकारी दिएका छन् । पहिरोले पुरै घर थिचेका कारण मृतकको संख्या बढ्न सक्ने अनुमान गरिएको छ । 

घरमा कतिजना थिए भन्ने एकिन जानकारी नभएको प्रहरीले जनाएको छ । हल्का वर्षा परिरहेका कारण उद्धारमा कठिनाई भएको जनाइएको छ ।