काठमाडौं- कीर्तिपुरको त्रिवि क्रिकेट मैदानमा जारी नेपाल र जिम्बावेबीचको खेलमा नेपाल १३६ रनमै अलआउट भएको छ। टस हारेर ब्याटिङको निम्तो पाएको नेपालले ३१ ओभर तीन बल खेल्दै १३६ रन बनाएर अलआउट भएको हो।
यससँगै पाहुनो टिम जिम्बावेले १३७ रनको लक्ष्य पाएको छ। आजको खेलमा नेपालका ओपनर कुशल भुर्तेलले १९ रन बनाए भने आसिफ शेख पाँच रनमै आउट भए। आसिफले पछिल्लो खेलमा ८७ रन बनाएका थिए।
नेपालका लागि आरिफ शेखले पनि पाँच रन मात्र जोड्न सके भने रोहित पौडेल र मोहम्मद आदिल आलमले क्रमशः तीन र दुई रन जोडे।
दीपेन्द्र सिंह ऐरीले] १८ रन बनाउँदा सोमपाल कामीले ७० बल खेल्दै ३० रन बनाएका छन्। नेपाली टिमका करण केसीले ३६ बलमा २५ रन बनाए। भने ९ बलमा चार रन बनाएर सन्दीप आउट भएपछि नेपाल सस्तैमा समेटिएको हो।
बलिङतर्फ जिम्बावेका ब्राड भवान्सले चार विकेट लिए भने भिक्टर न्युची, चेफास झुवाओ र ब्रान्डन मवुताले समान २–२ विकेट गिराएका थिए।