काठमाडौं- इन्डियन प्रिमियर लिग (आईपीएल) मा सनराइजर्स हैदराबादलाई दिल्ली क्यापिटलले २१ रनले हराएको छ। बारबोर्न रंगशालामा पहिले पहिले ब्याटिङ गरेको दिल्लीले २१ रनको जित निकालेको हो।
टस हारेर ब्याटिङको निम्तो पाएको दिल्लीले पुरा ओभर खेल्दै तीन विकेट गुमाएर २०७ रन बनाएको थियो। २०८ रनको लक्ष्य पछ्याएको हैदराबादले २० ओभर खेल्दै आठ विकेट गुमाएर १८६ रन मात्र बनाएपछि दिल्लीले जित निकालेको हो।
ओपनिङमा आएका मनदिप सिंह शून्य रनमै आउट भए पनि अर्का ओपनर डेविड वार्नरले ९२ रनको योगदान दिए। उनले ५८ बलमा १२ चौका र तीन छक्काको सहयोगमा सो रन जोडेका थिए।
त्यस्तै, रोवमन पावेल ६७ रनमा अविजित रहँदा रिषभ पन्त २६ रन बनाएर आउट भए। बलिङतर्फ हैदराबादका भुवनेश्वर कुमार, सिन अबोट र श्रेयस गोपालले समान १,१ विकेट लिए।
त्यस्तै, जवाफी ब्याटिङमा हैदराबादका निकोलस पुरनले ६२ रन बनाए भने एडिया मार्ककरमले ४२ रनको योगदान दिए। बलिङतर्फ खलिल अहमदले तीन विकेट गिराउँदा श्रर्दुल ठाकुरले दुई विकेट लिए।
यो जितसँगै दिल्लीले १० अंक बनाएको छ भने हैदराबादको पनि समान १० अंक नै छ। यी दुई क्लब क्रमशः पाँचौँ र छैटौं स्थानमा छन्।