पोखरा- कास्कीको अन्नपूर्णमा कार र मोटरसाईकल ठोक्किँदा दुईजनाको ज्यान गएको छ। ज्यान गुमाउनेमा बाबुछोरी रहेका छन्।
कारले मोटरसाइकललाई ठक्कर दिँदा ४५ वर्षीय बाबु जीतबहादुर पुन र १८ वर्षकी छोरी सविना पुनको मृत्यु भएको प्रहरीले जनाएको छ।
सविनाको घटनास्थलमै मृत्यु भएको थियो भने जीतबहादुरको उपचारको क्रममा अस्पतालमा मृत्यु भएको हो।
कारको ठक्करबाट बाबुछोरीले ज्यान गुमाएपछि आफन्तहरूले जिल्ला प्रहरी कार्यालय कास्कीमा धर्ना दिएका छन्। उनीहरूले फरार कार चालकलाई पक्राउ गरी कारबाही गर्न माग गरेका छन्।
पोखराबाट जाँदै गरेको ग३च ३५२५ नम्बरको कारले पोखरा आउँदै गरेको ग१८प ८१९१ नम्बरको मोटरसाइकलसँग ठोक्किएको थियो।
प्रकाशित: May 02, 2022| 12:59 सोमबार, वैशाख १९, २०७९
