पाल्पा- सिद्धार्थ राजमार्ग छेउमा पर्ने तिनाउ खोलामा डुबेर आइतबार भारतीय नागरिकको ज्यान गएको छ।
ज्यान गुमाउनेमा भारत गोरखपुर घर भएका ३५ वर्षीय अंकित श्रीवास्तव रहेका छन्। तिनाउ गाउँपालिका–३, दोभान ड्याम क्षेत्रमा पौडी खेल्ने क्रममा डुबेर उनको मृत्यु भएको जिल्ला प्रहरी कार्यालयका सूचना अधिकारी बीरेन्द्र थापाले बताए।
पौडी खेल्ने क्रममा डुबेका श्रीवास्तवलाई सँगै आएका साथीहरूले उद्धार गरी प्रादेशिक अस्पताल रुपन्देही बुटवलमा लगेका थिए।
उपचारका क्रममा चिकित्सकले उनलाई मृत घोषणा गरेको प्रहरीले जनाएको छ।
प्रकाशित: May 02, 2022| 08:01 सोमबार, वैशाख १९, २०७९
