बुद्धभूमिमा वडाध्यक्ष पदका उम्मेदवारको मृत्यु, निर्वाचन कार्यक्रम स्थगित

कपिलवस्तुको बुद्धभूमि नगरपालिकामा वडाध्यक्ष पदका उम्मेदवारको मृत्यु भएपछि निर्वाचन कार्यक्रम परिवर्तन हुने भएको छ।

नेपाल समय | शनिबार, वैशाख १७, २०७९

नेपाल समय

शनिबार, वैशाख १७, २०७९

बुद्धभूमिमा वडाध्यक्ष पदका उम्मेदवारको मृत्यु, निर्वाचन कार्यक्रम स्थगित

बुटवल- कपिलवस्तुको बुद्धभूमि नगरपालिकामा वडाध्यक्ष पदका उम्मेदवारको मृत्यु भएपछि निर्वाचन कार्यक्रम परिवर्तन हुने भएको छ।

बुद्धभूमि–८ मा नेकपा एमालेबाट उम्मेदवार बनेका ओमप्रकाश तिवारीको शुक्रबार राति मृत्यु भएको निर्वाचन अधिकृत महेश पाण्डेले जानकारी दिए।

एमालेबाट उम्मेदवार बनेका तिवारीको मृत्यु भएको सूचना प्राप्त भएपछि निर्वाचन अधिकृतको कार्यालयले सूचना जारी गर्दै शनिबारको निर्वाचन कार्यक्रम स्थगित गरेको छ। तिवारीको हृदयाघातबाट मृत्यु भएको बताइएको छ।

तिवारीको मृत्यु भएपछि स्थानीय तह निर्वाचन अन्तर्गत शनिबारको निर्वाचन कार्यक्रम स्थगित भए पनि निर्वाचन भने वैशाख ३० मै हुने निर्वाचन अधिकृत पाण्डेले बताए।

प्रकाशित: Apr 30, 2022| 13:37 शनिबार, वैशाख १७, २०७९