गठबन्धनका जसपा र राजमोद्वारा बुटवल उपमहानरका मेयर र उपमेयरको उम्मेद्वारी फिर्ता

बुटवल उपमहानगरमा सत्तारुढ जनता समाजवादी पार्टीले मेयर र उपमेयरमा दिएको उम्मेद्वारी फिर्ता लिएको छ। यसअघि गठबन्धनमा सहमति नहुँदा मेयर र उपमेयर सहितका पदहरुमा उम्मेद्वारी दिएको समाजवादीले केन्द्रमा भएको सहमतिको पालना गर्दै उम्मेद्वारी फिर्ता लिएको हो।

नेपाल समय | शुक्रबार, वैशाख १६, २०७९

नेपाल समय

शुक्रबार, वैशाख १६, २०७९

गठबन्धनका जसपा र राजमोद्वारा बुटवल उपमहानरका मेयर र उपमेयरको उम्मेद्वारी फिर्ता

बुटवल- बुटवल उपमहानगरमा सत्तारुढ जनता समाजवादी पार्टीले मेयर र उपमेयरमा दिएको उम्मेद्वारी फिर्ता लिएको छ। यसअघि गठबन्धनमा सहमति नहुँदा मेयर र उपमेयर सहितका पदहरुमा उम्मेद्वारी दिएको समाजवादीले केन्द्रमा भएको सहमतिको पालना गर्दै उम्मेद्वारी फिर्ता लिएको हो।

शुक्रबार बुटवल निर्वाचन कार्यालयमा मेयरका उम्मेद्वार सुरज हितान मगर र उपमेयरका उम्मेद्वार सम्झना पौडेलले उम्मेदवारी फिर्ता लिएका हुन्।

सत्तारुढ पाँच दलीय गठबन्धनको मर्म र भावना अनुसार गठबन्धनका संविधान र लोकतन्त्रको रक्षाका लागि आफूहरुले उम्मेद्वारी फिर्ता लिएको जनता समाजवादी पार्टी लुम्बिनीका मुख्यसचिव यज्ञ गैरेले बताए।

यसैबीच राष्ट्रिय जनमोर्चाका तर्फबाट मेयरमा उम्मेद्वारी दिएका कृष्ण प्रसाद पोखरेल र उपमेयरका उम्मेद्वार रेनुकुमारी सिंह क्षेत्रीले उम्मेद्वारी फिर्ता लिएका हुन्। गठबन्धनमा रहेका जसपा र राजमोले एमाले विरुद्ध उभिन उम्मेद्वारी फिर्ता लिएको बताएका छन्।

बुटवल उपमहानगरमा गठबन्धनबाट मेयरमा कांग्रेसका खेलराज पाण्डे र उपमेयरमा एकीकृत समाजवादीका चिनबहादुर गुरुङ उम्मेद्वार छन्। वडामा पनि सहमती भएको गठबन्धनले जनाएको छ । बुटवलमा एमालेबाट बाबुराम भट्टराई मेयरका उम्मेद्वार छन । बुटवल उपमहानगरमा ९० हजार मतदाता छन्।

प्रकाशित: Apr 29, 2022| 18:21 शुक्रबार, वैशाख १६, २०७९