न्यायालयलाई कमजोर बनाउने खेल: देउवा

काठमाडौं- कांग्रेस सभापति देउवाले सरकारले दुर्इ तिहाइको दम्भ देखाएर अदालतमाथि हस्तक्षेप गरी न्यायालयलार्इ कमजोर बनाउने खेल शुरु गरेको बताएका छन्।
 
देउवाले सर्वोच्च अदालतको प्रधानन्यायाधीशमा सिफारिस गरिएका दीपकराज जोशीको नाम संसदीय सुनवाइ विशेष समितिबाट अस्वीकृत गरिनुलाई अदालतमाथिको हस्तक्षेप भएको बताएका हुन।

कांग्रेसको भातृ संस्थता नेपाल मगर संघको दोस्रो महाधिवेशनको शुक्रबार पार्टी केन्द्रीय कार्यालय सानेपामा उद्घाटन गर्दै सभापति देउवाले प्रधानमन्त्री केपी शर्म ओली प्रमुख रहेको संवैधानिक परिषद्ले प्रधानन्यायाधीशमा सिफारिस गरेका जोशीको नाम अस्वीकृत गर्नुले प्रधानमन्त्रीको नैतिकतामाथि नै प्रश्न गठेको बताए।

‘संवैधानिक परिषद्को बैठक बसेर सिफारिस गर्ने प्रधानमन्त्री ओलीले संसदीय सुनुवाइका नाममा कायम मुकायमा प्रधानन्यायाधीश दीपकराज जोशीको नाम अस्वीकृत गरेर के गर्न खोजेका हुन?’, देउवाले प्रश्न गरे, ‘अदालतमाथिको हस्तक्षेपका बिरुद्धमा कांग्रेस रहेको छ।’