कांग्रेसले बहिष्कारको चेताननी दिएपछि संसद स्थगित 

काठमाडौं- प्रमुख प्रतिपक्षी दल नेपाली कांग्रेसले बैठक बहिष्कार गर्ने चेतावनी दिएपछि शुक्रबारको संसद बैठक सुचना टाँसेर स्थगित गरिएको छ । दिउँसो १ बजेका लागि बैठक बोलाइएको थियो ।
 
बैठकको कार्यसूची तयार भएपनि प्रतिपक्षबीना संसद् चलाउदा राम्रो सन्देश नजाने र यसले झन मुठभेडको स्थति निम्त्याउने भन्दै बैठक स्थगित गरिएको हो । अर्को बैठक साउन २० गतेका लागि बोलाइएको छ । कांग्रेसको बिहान बसेको संसदीय दलको बैठकले सरकार सर्वसत्तावादी सोचसहित अघि बढेको निष्कर्ष निकाल्दै संसद्मा नजाने निर्णय गरेको थियो । 

बिहीबारको बैठकमा गृहमन्त्री रामबहादुर थापासंग सवाल जवाफ गर्न नपाएको झोकमा कांग्रेसले बैठक बहिष्कार गरेको थियो । कांग्रेसले बैठक बहिष्कार गरे पनि संसद् बैठक चलेको थियो भने शुक्रबार पनि कांग्रेस सहभागी नभए पनि बैठक चलाउने सत्तापक्ष दलका सांसदहरुको रणनीति छ । शुक्रबारको बैठका लागि संसद सचिवालयले कार्यसूची तय गरिसकेको छ । 

पछिल्लो समय कांग्रेस संसद्मा सरसकार प्रति आक्रमक बनेको छ । प्रस्तावित प्रधानन्यायाधीशको सुनवाईलाई दुर्य तिहाईको त्रास देखाउँदै लम्ब्याएर न्यालयमा राजनीतिक प्रभावमा राख्न खोजेको भन्दै कांग्रेसले यसको विरोध गरेको छ ।