कांग्रेस आज संसदमा नजाने 

काठमाडौं- प्रमुख प्रतिपक्षी दल नेपाली कांग्रेसले शुक्रबार पनि संसद्को बैठक बहिष्कार गर्ने भएको छ । कांग्रेस संसदीय दलको बैठकले १ बजेका लागि  बोलाइएको संसद्को बैठकमा सहभागी नहुने निर्णय गरेको हो । 

प्रधानन्यायाधीशको संसदीय सुनवाइका लागि रणनीति तयार गर्न कांग्रेस संसदीय दलको बैठक विहान ११ बजेदेखि बसिरहेपनि अहिलेसम्म कुनै ठोस निर्णय भने गरेको छैन् । दलको बैठकलाई लम्ब्याएर संसद्को बैठकमा सहभागिता नजनाउने रणनीति कांग्रेसले तयार पारेको छ । 

बिहीबारको बैठकमा गृहमन्त्री रामबहादुर थापासंग सवाल जवाफ गर्न नपाएको झोकमा कांग्रेसले बैठक बहिष्कार गरेको थियो । कांग्रेसले बैठक बहिष्कार गरे पनि संसद् बैठक चलेको थियो भने शुक्रबार पनि कांग्रेस सहभागी नभए पनि बैठक चलाउने सत्तापक्ष दलका सांसदहरुको रणनीति छ । शुक्रबारको बैठका लागि संसद सचिवालयले कार्यसूची तय गरिसकेको छ । 

पछिल्लो समय कांग्रेस संसद्मा सरसकार प्रति आक्रमक बनेको छ । प्रस्तावित प्रधानन्यायाधीशको सुनवाईलाई दुर्य तिहाईको त्रास देखाउँदै लम्ब्याएर न्यालयमा राजनीतिक प्रभावमा राख्न खोजेको भन्दै कांग्रेसले यसको विरोध गरेको छ ।