बुधबार, फागुन ९, २०८०
  • गृहपृष्ठ
  • राजनीति
  • यसरी असफल भयो विश्वप्रकाशलाई गृहनगरमा कमजोर बनाउने सिटौलाको प्रयास

यसरी असफल भयो विश्वप्रकाशलाई गृहनगरमा कमजोर बनाउने सिटौलाको प्रयास

आइतबार रातिसम्म शर्माको गृहनगर मेचीनगरमा प्रदेश समितिको निर्णयअनुसार कांग्रेस झापा जिल्ला उपसभापति केशवराज पाण्डे मेयरका उम्मेदवार थिए। तर, महामन्त्री शर्माले यसलाई प्रतिष्ठाको विषय बनाएपछि सोमबार कांग्रेस केन्द्रले प्रदेशको निर्णय नै उल्टाएर इन्द्रबहादुर बुढाथोकीलाई मेचिनगर मेयरको आधिकारिक उम्मेदवार बनाएको छ।
 |  सोमबार, वैशाख १२, २०७९

अनिल यादव

अनिल यादव

सोमबार, वैशाख १२, २०७९

काठमाडौं– नेपाली कांग्रेसको महामन्त्रीमा निर्वाचित भएपछि विश्वप्रकाश शर्मा कृष्णप्रसाद सिटौलाको आशीर्वाद लिन घरमै पुगे। दुई हात जोड्दै शीर निहुराएर सिटौलासँग आशीर्वाद लिएको तस्बिर सामाजिक सञ्जालमा भाइरल नै भयो। 

त्यतिबेला सिटौलाले विश्वप्रकाशलाई भनेका थिए, ‘बधाई छ, तिमी महामन्त्री भयौ। अब अझै अघि बढ्नु। विगतमा जे–जे भयो, ती सबै तितामिठा कुरालाई बिर्सिऔं।’ विश्वप्रकाशको भनाइ पनि उस्तै आशयको थियो– ‘अब पार्टीको आन्तरिक प्रतिस्पर्धा सकियो, त्यसैले उहाँको साथ सहयोगको अपेक्षासहित आशीर्वाद लिन गएको।’

त्यसपछि धेरैलाई लागेको थियो, ‘अब त सिटौला–शर्माको तिक्तता सकिएला।’ तर, स्थानीय निर्वाचनका लागि उम्मेदवार छनोटमा सिटौलाले शर्माको गृहनगरमा समेत हस्तक्षेप गर्न खोजेपछि उनीहरुबीचको द्वन्द्व बल्झिएको छ। 

आइतबार रातिसम्म शर्माको गृहनगर मेचीनगरमा प्रदेश समितिको निर्णयअनुसार कांग्रेस झापा जिल्ला उपसभापति केशवराज पाण्डे मेयरका उम्मेदवार थिए। तर, महामन्त्री शर्माले यसलाई प्रतिष्ठाको विषय बनाएपछि सोमबार कांग्रेस केन्द्रले प्रदेशको निर्णय नै उल्टाएर इन्द्रबहादुर बुढाथोकीलाई मेचीनगर मेयरको आधिकारिक उम्मेदवार बनाएको छ। बुढाथोकी अहिले झापा क्षेत्र नम्बर १ का कांग्रेस सभापति छन्। 

केन्द्रले प्रदेशको निर्णय उल्टाएपछि उम्मेदवारी मनोनयन स्थलमै पाण्डे र बुढाथोकी पक्षबीच विवादको स्थिति सिर्जना भएपछि कांग्रेस सभापति शेरबहादुर देउवाले विज्ञप्ति नै जारी गरेर मेचीनगरको आधिकारिक उम्मेदवार बुढाथोकी भएको प्रमाणित गरेका छन्। यसले मेचीनगरमा सिटौला पक्षलाई झन् चिढ्याइदिएको छ। 

Metro Mart
worldlink

‘प्रदेशले पाण्डेको टिकट फाइनल गरेको थियो तर, केन्द्रले प्रदेशको निर्णयलाई उल्टाएर बुढाथोकीलाई टिकट दिने निर्णय गरेको छ,’ कांग्रेस महामन्त्री विश्वप्रकाश शर्माले नेपाल समयसँग भने, ‘उहाँ टिनको टहरामा बस्ने मान्छे हो। अहिले क्षेत्रीय सभापति हुनुहुन्छ। त्यसैले पार्टीले उहाँलाई टिकट दिने निर्णय गरेको छ।’