काठमाडौं- धादिङको थाक्रे गाउँपालिका-७ जुंगेखोलामा बस र कार ठोकिँदा पाँचजनाको ज्यान गएको छ।
काठमाडौंबाट धादिङतर्फ आउँदै गरेको बा५ख ८४४३ नम्बरको बसले काठमाडौंतर्फ जाँदै गरेको बागमती प्रदेश ०१–०२६–च २९६८ नम्बरको कारलाई ठक्कर दिएको थियो। बसको ठक्करबाट कारमा सवार पाँचै जनाको ज्यान गएको जिल्ला प्रहरी कार्यालय धादिङले जनाएको छ।
दुर्घटनामा परी मृत्यु हुनेमा कारका चालक तनहुँको खैरेनीका अन्दाजी ३६ वर्षीय दिलबहादुर बस्नेत, भारतको उत्तरप्रदेशका ४० वर्षीय विमलचन्द्र अग्रवाल, ३५ वर्षीय साधना अग्रवाल, ४० वर्षीय सन्ध्या अग्रवाल, ५५ वर्षीय राकेश अग्रवाल रहेका छन्।
प्रकाशित: Apr 25, 2022| 07:05 सोमबार, वैशाख १२, २०७९
