काठमाडौं- त्रिभुवन अन्तर्राष्ट्रिय विमानस्थलबाट कोकिनसहित दुई विदेशी महिला पक्राउ परेका छन्। सात किलोभन्दा बढी कोकिनसहित दुई विदेशी महिलालाई पक्राउ गरिएको प्रहरीले जनाएको छ।
पक्राउ पर्नेमा भारतीय नागरिक ३५ वर्षीया लाल्नुपुई र जाम्बियाकी नागरिक ३५ वर्षीया कपुटुला अविर्साग रहेका छन्।
कपुटला कतार एयलाइन्सको विमानबाट काठमाडौं अवतरण गरेकी थिइन्। उनलाई वैशाख ३ गते र लाल्नुपुईलाई वैशाख ४ गते पक्राउ गरिएको हो। अनुसन्धानकै क्रममा रहेकाले उनीहरूलाई आज सार्वजनिक गरिने प्रहरीले जनाएको छ।
प्रकाशित: Apr 24, 2022| 11:57 आइतबार, वैशाख ११, २०७९
