धनगढी- बाजुराको बडीमालिका नगरपालिकामा काफल खान चढेको रूख ढल्दा सात जना बालक घाइते भएका छन्।
बडीमालिका नगरपालिका-८ खर्रामा वनमा पुगेर काफल खान रुख चढेका बेला ढलेर सात जना बालक घाइते भएका जिल्ला प्रहरी कार्यालय बाजुराले जनाएको छ।
घाइते हुनेमा बडीमालिका नगरपालिका-८ का १४ वर्षीय दीपक रावल, १६ वर्षीय कमल रावल, दिलु रावल, भीम रावल, विवेक रावल र सुजन रावल रहेका छन्।
घाइतेमध्ये तीन बालकको अवस्था गम्भीर रहेको प्रहरीले जनाएको छ। घाइते सबैको जिल्ला अस्पताल बाजुरामा उपचार भइरहेको छ।
प्रकाशित: Apr 24, 2022| 08:00 आइतबार, वैशाख ११, २०७९
