विराटनगर- मोरङमा खोलाबाट बालुवा निकाल्ने क्रममा डुबेर एक युवकको ज्यान गएको छ। मोरङ प्रहरीका प्रवक्ता डीएसपी दीपक श्रेष्ठले ग्रामथान गाउँपालिका–४ स्थित लोहन्द्रा खोलामा डुबेर ३० वर्षीय बसन्त माझीको मृत्यु भएको बताए।
बालुवा झिक्ने क्रममा शुक्रबार दिउँसो ३:३० बजेतिर खोलामा डुबेका माझीलाई मृत फेला पारिएको जानकारी उनले दिए। शव पोस्टमार्टमका लागि पठाएर प्रहरीले घटनाको अनुसन्धान थालेको उनले बताएका छन्।
प्रकाशित: Apr 23, 2022| 10:21 शनिबार, वैशाख १०, २०७९
