ललितपुरको सगरमाथा अक्सिजन प्लान्टमा विस्फोट : एकको मृत्यु, ६ घाइते

ललितपुरको पाटनस्थित औद्योगिक क्षेत्रभित्र रहेको एक अक्सिजन प्लान्टमा विष्फोट हुँदा एक जनाको ज्यान गएको छ।

नेपाल समय | बिहीबार, वैशाख ८, २०७९

नेपाल समय

बिहीबार, वैशाख ८, २०७९

ललितपुरको सगरमाथा अक्सिजन प्लान्टमा विस्फोट : एकको मृत्यु, ६ घाइते

तस्बिर : दिनेश श्रेष्ठ

काठमाडौं- ललितपुरको पाटनस्थित औद्योगिक क्षेत्रभित्र रहेको एक अक्सिजन प्लान्टमा विष्फोट हुँदा एक जनाको ज्यान गएको छ। ललितपुरस्थित सगरमाथा अक्सिजन प्लान्ट बिहीबार बिहान विस्फोट हुँदा एक जनाको ज्यान गएको हो।

बिहीबार बिहान करिब १० बजे सगरमाथा अक्सिजन प्लान्टमा विष्फोट भएको जिल्ला प्रहरी परिसर ललितपुरले जनाएको छ। विष्फोटमा परी ६ जना घाइते हुनुका साथै एक जनाको ज्यान गएको छ।

अक्सिजन भर्ने क्रममा विष्फोट भएको बताइएको छ। मृतक भारतीय नागरिक रहेका छन्।

घाइतेको उपचारको लागि पाटन अस्पताल लगिएको छ। एक जनाको अवस्था गम्भीर छ। घटनाबारे विस्तृत जानकारी आउन बाँकी छ।

प्रकाशित: Apr 21, 2022| 11:43 बिहीबार, वैशाख ८, २०७९