बुटवल– पाल्पाको तिनाउ गाउँपालिका–१ कलचमा सुख्खा पहिरोमा बेपत्ता भएका व्यक्तिको शव फेला परेको छ। बुधबार बिहान सोही ठाउँका ६१ वर्षीय दिलबहादुर हिस्कीको पहिरोमा परेर मृत्यु भएको अवस्थामा शव भेटिएको हो।
पानीको नहर खन्ने क्रममा अचानक माथिबाट ढुंगासहितको पहिरो खसेर हिस्की बेपत्ता भएका थिए। पहिरोले पुरिएको अवस्थामा उनको शव निकालिएको जिल्ला प्रहरी कार्यालयका प्रहरी नायव उपरीक्षक विरेन्द्र थापाले जानकारी दिए। उनका अनुसार प्रारम्भिक अनुसन्धानपछि शवलाई पोष्टमार्टमका लागि लुम्बिनी प्रादेशिक अस्पताल बुटवल पठाइएको छ।
प्रकाशित: Apr 20, 2022| 16:03 बुधबार, वैशाख ७, २०७९
