काठमाडौं- सुन र मोबाइलसहित त्रिभुवन अन्तर्राष्ट्रिय विमानस्थलबाट दुई जना पक्राउ परेका छन्।
पक्राउ पर्नेमा सिन्धुलीको तीनपाटन गाउँपालिका–३ घर भएका हेमराज न्यौपाने र धादिङको नीलकण्ठ नगरपालिका–७ घर भएका राजेन्द्र अधिकारी छन्।
उनीहरू हिमालय एयरको उडानद्वारा दुबईबाट काठमाडौं आएका थिए। उनीहरूबाट भन्सार छलेर ल्याइएको सुन र मोबाइल बरामद गरिएको हो।
न्यौपानेले सुटकेशमा फल्स बटम बनाएर ४५ ग्राम बराबरको सुनको सिक्रि र आईफोन १३ प्रो ल्याएका थिए।
अधिकारीले पनि ४५ ग्रामकै सुनको सिक्री र आइफोन १३ ल्याएका थिए। उनीहरू दुबै जनालाई विमानस्थल भन्सार कार्यालय बुझाइएको विमानस्थल प्रहरी कार्यालय जनाएको छ।
प्रकाशित: Apr 20, 2022| 11:37 बुधबार, वैशाख ७, २०७९
