काठमाडौं- गण्डकी प्रदेशका का अर्थमन्त्री रामजी बरालको गाडीले ठक्कर दिँदा एक जनाको मृत्यु भएको छ।
अर्थमन्त्री बराल चढेको ग१झ ४४५ नम्बरको गाडीले पोखरामा नयाँ वर्षको दिन ठक्कर दिँदा घाइते भएका तनहुँ एक्लेखेतका मीनबहादुर पाइजाको उपचारकै क्रममा मृत्यु भएको हो।
घटना पोखरा महानगरपालिका- ३२ खुदीमा भएको थियो। गम्भीर घाइते उनको मनिपाल अस्पतालमा उपचार भैरहेकोमा उपचारकै क्रममा मृत्यु भएको हो।
ग१६प ५१८१ नम्बरको मोटरसाइकलमा सवार मीनबहादुर र उनको श्रीमती घाइते भएका थिए। उनकी श्रीमतिको भने अवस्था सामान्य छ। गाडी तीब्र गतिमा भएकाले दुर्घटना भएको प्रत्यक्षदर्शीले बताएका छन्।
प्रकाशित: Apr 20, 2022| 10:51 बुधबार, वैशाख ७, २०७९
