काठमाडौं- अनलाइन गेम ‘फ्री फायर’ खेल्ने बहानामा सम्बन्ध बनाई १३ वर्षीया बालिका बलात्कार गरेको अभियोगमा चन्द्रागिरी नगरपालिका–८ मातातीर्थका २७ वर्षीय महेश उदासलाई प्रहरीले पक्राउ गरेको छ।
महानगरीय प्रहरी परिसर काठमाडौंबाट खटिएका प्रहरी टोलीले उनलाई मातातीर्थ क्षेत्रबाट आइतबार पक्राउ गरेको हो।
प्रहरीका अनुसार उनले नाबालिकालाई पाल्पाबाट ल्याई बलात्कार गरेका थिए। बलात्कृत बालिकालाई प्रहरीले मातातीर्थबाट उद्धार गरेको थियो। अदालतबाट १० दिनको म्याद थप गरी थप अनुसन्धान भइरहेको प्रहरीले जनाएको छ।
प्रकाशित: Apr 20, 2022| 08:06 बुधबार, वैशाख ७, २०७९
