दाङ- माछा मार्न बनाएको बम पड्किँदा दाङको लमहीमा पाँच जना घाइते भएका छन्। लमही नगरपालिका-८ असानि बस्ने २७ वर्षीय आनन्द भण्डारीलगायत पाँच जना घाइते भएको प्रहरीले जनाएको छ।
लमही नगरपालिका-८ असानिस्थित राप्ती नदीमा माछा मार्न गएको अवस्थामा माछा मार्न बनाएको बम हातमा नै पड्किँदा उनीहरू घाइते भएका हुन्।
घाइतेहरू उपचारका लागि लमही पठाइएको छ। घाइते मध्ये एक जना उपचारपछि डिश्चार्ज भइसकेको प्रहरीले जनाएको छ। चार जना उपचार रत रहेका छन्। घटना बारे प्रहरीले अनुसन्धान थालेको छ।
प्रकाशित: Apr 18, 2022| 11:48 सोमबार, वैशाख ५, २०७९
