काठमाडौं- स्थानीय तहको चुनाव तयारीबारे छलफल गर्न नेकपा एमालेको आज केन्द्रीय कार्यालय र सचिवालय बैठक बस्ने भएको छ।
बैठक थापाथलीस्थित केन्द्रीय कार्यालयमा बिहान ११ बजे बस्ने कार्यालय सचिव भिष्म अधिकारीले जानकारी दिए।
यस्तै आजै सचिवालय बैठक पनि बस्ने भएको छ। अध्यक्ष केपी शर्मा ओलीको निवास बालकोटमा आज साँझ ६ बजे बैठक बस्ने छ।
बैठकमा चुनावी तयारी तथा पार्टीको घोषणा पत्रलगायत विषयमा छलफल हुनेछ।
वैशाख ३० मा हुने स्थानीय चुनावलगायत समसामयिक राजनीतिक घटनाक्रमबारे पनि बैठकमा छलफल हुनेछ। एमालेले वैशाख ९ मा घोषणा पत्र सार्वजनिक गर्ने तयारी गरेको छ।
प्रकाशित: Apr 18, 2022| 06:36 सोमबार, वैशाख ५, २०७९
