धनगढी- कञ्चनपुरमा धामीको कुटाइबाट एक महिलाको ज्यान गएको छ।
ज्यान गुमाउनेमा बेदकोट नगरपालिका-७ मुसेपानीकी ४३ वर्षीया रन्जुला साउद रहेकी छन्। बिरामी भएपछि घरमा धामीझाँक्री बोलाइएको थियो।
साउदलाई बोक्सी लागेको भन्दै स्थानीय धामी धर्मानन्द भट्ट र नारायण दत्त भट्टले कुटपिट गरेका थिए।
कुटपिटका कारण साउदको मृत्यु भएपछि कन्चनपुर प्रहरीले भट्टद्वयलाई नियन्त्रणमा लिएर अनुसन्धान थालिएको जनाएको छ।
साउद एकल महिला हुन्। आर्थिक अभावका कारण उनी अस्पताल जान सकेकी थिइनन्।
प्रकाशित: Apr 16, 2022| 12:43 शनिबार, वैशाख ३, २०७९
