काठमाडौं- वीर अस्पतालबाट एक कैदी फरार भएका छन्। उपचारका लागि अस्पताल पुर्याइएका कैदी बुधबार राति फरार भएको प्रहरीले जनाएको छ।
सिन्धुपाल्चोकको इन्द्रावती गाउँपालिका-३ कुन्चोक करमडाँडा घर भएका ४५ वर्षीय राजेश तिरुवा अस्पतालबाटै फरार भएका हुन्।
तिरुवालाई सिन्धुपाल्चोक प्रहरीले गत माघ १७ गते बलात्कार आरोपमा कुन्चोकबाट पक्राउ गरेको थियो। गत माघ १६ गते एक महिलालाई उनले बलात्कार गरेको आरोप लागेको थियो।
बलात्कार आरोपमा उनलाई सिन्धुपाल्चोक जिल्ला अदालतले पुर्पक्षका लागि कारागार चलानको आदेश दिएको थियो।
प्रकाशित: Apr 13, 2022| 11:56 बुधबार, चैत ३०, २०७८
