काठमाडौं- तीन लाख घुस रकमसहित रौतहटबाट एक प्रधानाध्यापक पक्राउ परेका छन्।
श्री बिश्वेश्वरप्रसाद कोइराला आदर्श माध्यमिक विद्यालय जोकहाका प्रधानाध्यापक राकेशकुमार ठाकुर घुस रकमसहित पक्राउ परेका हुन्।
करार अवधि थप गर्नको लागि सेवाग्राहीसँग तीन लाख घूस माग गरिरहेको भन्ने उजुरी निवेदनका आधारमा अख्तियार दुरुपयोग अनुसन्धान आयोगको टंगालबाट खटिएको टोलीले उनलाई पक्राउ गरेको हो।
अख्तियार टोलीले दिपेन्द्र सर्जिकल पसलका सञ्चालक दिपेन्द्रकुमार झालाई पनि यमुनामाई गाउँपालिका वडा नम्बर-४, सरुअठ्ठास्थित चन्द्रनिगाहपुरबाट नियन्त्रणमा लिएको जनाएको छ।
प्रकाशित: Apr 13, 2022| 11:19 बुधबार, चैत ३०, २०७८
