भोजपुर- भोजपुरको रामप्रसादराई गाउँपालिका-५ कावाखोलामा मंगलबार राति ट्रयाक्टर दुर्घटना हुँदा एक जनाको ज्यान गएको छ।
मृत्यु हुनेमा ट्याक्टरमा सवार रामप्रसादराई गाउँपालिका–७ बासिखोराका २० वर्षीय जेबि राई रहेका छन्।
दुर्घटनामा गम्भीर घाइते भएका उनको उपचारका क्रममा जिल्ला अस्पताल भोजपुरमा मृत्यु भएको प्रहरीले जनाएको छ।
ईट्टा लिएर भोजपुरबाट बासिखोरातर्फ आउँदै गरेको प्रदेश १–०२–००३ त २२४९ नम्बरको ट्याक्टर गएराति १० बजे अनियन्त्रित भइ सडकबाट अन्दाजी २ सय मिटर तल खसेको थियो ।
ट्याक्टर चालक फरार भएकोले खोजी भइरहेको प्रहरीले जनाएको छ।
प्रकाशित: Apr 13, 2022| 11:15 बुधबार, चैत ३०, २०७८
