भारतमा आगलागीमा परी नेपाली किशोरको मृत्यु

भारतमा आगलागीमा परी एक नेपाली किशोरको ज्यान गएको छ।

नेपाल समय | बुधबार, चैत ३०, २०७८

नेपाल समय

बुधबार, चैत ३०, २०७८

भारतमा आगलागीमा परी नेपाली किशोरको मृत्यु

काठमाडौं- भारतमा आगलागीमा परी एक नेपाली किशोरको ज्यान गएको छ। मृत्यु हुनेमा अर्घाखाँची छत्रदेव गाउँपालिका-३ का १४ वर्षीय भीमबहादुर कुमाल रहेका छन्।

भारतको हरियाणा हिसारमा मंगलबार राति भएको आगलागीमा परी अर्घाखाँचीका १४ वर्षीय कुमालको ज्यान गएको हो।

भारतीय सञ्चार माध्यमका अनुसार हिसारमा रहेको राम चाट भण्डारमा आगो लागेको थियो। मृतक बालक तीन महिनाअघि मात्रै अर्घाखाँचीबाट बुबालाई भेट्न हरियाणी पुगेका थिए।

भीमबहादुरका गाउँका पाँचजना त्यही काम गर्दै आएकाले बुबा भेट्न गएका उनी पनि त्यही काम गर्न थालेका थिए।

राम चाट भण्डारमै काम गर्ने अरुले भागेर ज्यान जोगाएका पनि उनी सुतेको अवस्थामा रहेकाले आगलागीमा परेर ज्यान गएको बताइएको छ।

प्रकाशित: Apr 13, 2022| 09:10 बुधबार, चैत ३०, २०७८