काठमाडौं- पाँच दलीय गठबन्धनले गठन गरेको निर्वाचन तयारी तथा अनुगमन समितिको बैठक आज बस्ने भएको छ। बैठक प्रधानमन्त्रीको सरकारी निवास बालुवाटारमा दिउँसो ४ बजे बस्ने समिति सदस्य तथा नेकपा एकीकृत समाजवादीका महासचिव डा. बेदुराम भुसालले बताए।
बैठकमा जिल्ला तहबाट आएका प्रतिवेदनहरूको अध्ययन र विश्लेषण हुने उनको भनाइ छ। बैठकमा निर्वाचनमा तालमेलको ‘मोडालिटी’बारे पनि छलफल हुने छ।
यसअघि समितिको बैठक २३ चैतमा बसेको थियो । २२ चैतमा बसेको गठबन्धन दलहरूका शीर्ष नेताहरूको बैठकले निर्वाचन तयारी तथा अनुगमन समिति गठन गरेको हो।
प्रकाशित: Apr 10, 2022| 09:05 आइतबार, चैत २७, २०७८
