धनगढी- कञ्चनपुरको भीमदत्त नगरपालिका-११ भुजेलाबाट प्रहरीले शनिबार तीन जनालाई लागूऔषधसहित पक्राउ गरेको छ।
इलाका प्रहरी कार्यालय गड्डाचौकीबाट प्रहरी नायब निरीक्षक बहादुरसिंह धामीको कमाण्डमा खटिएको टोलीले २३ वर्षीय महेश गिरी, २१ वर्षीय विष्णु पाठक र २२ वर्षीय आशिष गिरीलाई पक्राउ गरेको हो।
पक्राउ परेकाको साथबाट १९ दशमलव ५ ग्राम चरेस, प्रि ग्याब्लिक क्याप्सुल ६ पिस र इन्ट्रिकफ ट्याब्लेट १४ पिस बरामद गरेको जिल्ला प्रहरी कार्यालय कञ्चनपुरका प्रहरी नायब उपरीक्षक चक्रबहादुर शाहले जानकारी दिए। पक्राउ परेका तीनै जनामाथि थप अनुसन्धान थालिएको प्रहरीले जनाएको छ।
प्रकाशित: Apr 10, 2022| 08:35 आइतबार, चैत २७, २०७८
