आजदेखि सिटिजन बैंकको एफपिओ बिक्री

काठमाडौं- सिटिजन बैंकले आज (मंगलबार) देखि फर्दर पब्लिक अफरीङ (एफपिओ) बिक्री खुला गरेको छ। बैंकले नौ करोड २७ लाख ६५ हजार रुपैयाँ बराबरको ४ लाख ६३ हजार ८२६ कित्ता एफपिओ बिक्री खुला गरेको हो।

बैंकका अनुसार प्रतिकित्ता दुई सय रुपैयाँमा सर्वसाधारणले एफपिओको लागि आवेदन दिन पाउने छ। जसमा एक सय रुपैयाँ अंकित मूल्यमा एक सय रुपैयाँ प्रिमियम थप गरिएको  छ।

एफपिओको लागि सर्वसाधारणले न्यूनतम ५० देखि २३ सय कित्तासम्म आवेदन दिन पाउने बैंकको  भनाइ  छ। ग्लोबल आइएमई क्यापिटल बिक्री प्रबन्धक रहेको उक्त एफपिओको साउन १८ गतेसम्म खुल्ने बैंकले जनाएको छ।