काठमाडौंका दुई सटरमा सिल

काठमाडौं– वाणिज्य, आपूर्ति तथा उपभोक्ता संरक्षण विभागले आइतबार गरेको अनुगमनको क्रममा पहिले दिएको निर्देशन पालना नगरेका दुई पसलमा सिलबन्दी गरेको छ । 

विभागका शाखा अधिकृत दिपकराज पोखरेलका अनुसार काठमाडौंस्थित न्यू लुक्स फेसन हाउस र चण्डोल हाउसलाई सिल गरिएको हो । 

विभागले काठमाडौंसहित भक्तपुर लगायतका खाद्य पसलहरु अनुगमन गरेको थियो । अनुगमनको क्रममा लेबल नभएको, म्याद नाघेको खान नमिल्ने वस्तुहरु फेला पारी नष्ट गरिएको छ । 

केही व्यपारीले खारिद बिक्री विल अपडेट नगरेको, पसल फोहोर राखेको, पसलमा अनिवार्य राखिनु पर्ने मूल्य सूचि तथा साइनवोर्ड नराखिएको लगायतका कैफियत फेला परिएको शाखा अधिकृत पोखरेले जानकारी दिए । 

ती पसललाई आवश्यक सुझाब तथा निर्देशन दिएको उनले बताए ।