प्रधानमन्त्रीलाई पोखरा विमानस्थलको चाबी बुझाउँदै चिनियाँ विदेशमन्त्री

चिनियाँ विदेशमन्त्री वाङ यीले पोखरा क्षेत्रीय अन्तर्राष्ट्रिय विमानस्थलको चाबी प्रधानमन्त्री शेरबहादुर देउवालाई बुझाउने भएका छन्।

नेपाल समय | शनिबार, चैत १२, २०७८

नेपाल समय

शनिबार, चैत १२, २०७८

प्रधानमन्त्रीलाई पोखरा विमानस्थलको चाबी बुझाउँदै चिनियाँ विदेशमन्त्री

चीनको ऋण सहयोगमा बनाइएको पोखरा क्षेत्रीय अन्तर्राष्ट्रिय विमानस्थल।

काठमाडौं- चिनियाँ विदेशमन्त्री वाङ यीले पोखरा क्षेत्रीय अन्तर्राष्ट्रिय विमानस्थलको चाबी प्रधानमन्त्री शेरबहादुर देउवालाई बुझाउने भएका छन्। शनिबार साँझ बालुवाटारमा प्रधानमन्त्री देउवालाई भेटेर विमानस्थलको चाबी बुझाउने कार्यक्रम रहेको नेपालको परराष्ट्र मन्त्रालय स्रोतले जानकारी दिएको छ।

चिनियाँ ऋण सहयोगमा पोखरा विमानस्थल विस्तारको काम भएको थियो। पोखरा विमानस्थल विस्तार तथा स्तरोन्नति भएपछि यसलाई अन्तर्राष्ट्रिय विमानस्थल बनाइएको छ।

चीनको एक्जिम बैंकले २ प्रतिशत ब्याजदर कायम गरी पोखरा विमानस्थल बनाउन नेपाललाई २१ अर्ब ६० करोड रुपैयाँ ऋण दिएको थियो। सोही ऋणमार्फत अहिले विमानस्थल निर्माण अन्तिम चरणमा पुगेको छ। ५ अर्ब ४० करोड रुपैयाँको ब्याज तिर्नु नपर्ने सम्झौता भएको थियो।

चिनियाँ कम्पनी सिएएमसी इन्जिनियरिङले २०७४ साल असारदेखि विमानस्थलको काम सुरु गरेको थियो।

प्रकाशित: Mar 26, 2022| 18:06 शनिबार, चैत १२, २०७८