आयात बढाउन चिनियाँ पक्ष सहमत

रसुवा र केरूङस्थित जिलुङ प्रान्तका सीमाका अधिकारीबीच भएको भर्चुअल वार्तामा नेपाल भित्रने चिनियाँ सामग्रीको आयात परिमाण बढाउने सहमति भएको जिल्ला प्रशासन कार्यालयले जनाएको छ।

नेपाल समय | शनिबार, फागुन २८, २०७८

नेपाल समय

शनिबार, फागुन २८, २०७८

रसुवा- रसुवागढी नाकाबाट आयात हुने चिनियाँ सामग्रीको परिमाण बढ्ने भएको छ। रसुवा र केरूङस्थित जिलुङ प्रान्तका सीमाका अधिकारीबीच भएको भर्चुअल वार्तामा नेपाल भित्रने चिनियाँ सामग्रीको आयात परिमाण बढाउने सहमति भएको जिल्ला प्रशासन कार्यालयले जनाएको छ।

कोभिड १९ सक्रंमणका कारण घट्दै आएको आयात वृद्धि गराई नेपाली बजारको माग पूरा गराउन रसुवाका प्रमुख जिल्ला अधिकारी नवराज जैसीले गरेको प्रयास फलदायी भएको छ। नौ कन्टेनरमार्फत भइरहेको आयातलाई वृद्धि गरी यही १५ मार्च बाट दैनिक १४ वटा कन्टेनर रसुवागढी ल्याउने सहमति भएको उनले बताए।

चिनियाँ सामग्रीको आयात परिमाण बढ्ने भएपछि व्यापारी र व्यवसायीहरुमा सबैमा उत्साह बढेको छ।

कोरोना संक्रमणपश्चात सीमाक्षेत्रको मितेरी पुलमा आवतजावत बन्द भए पनि चिनियाँ पक्षले माग पूर्ति गर्न दैनिक तीन वटा ठूला कन्टेनरबाट आयात सुरु गरेको थियो।

अहिले दैनिक १४ वटा ठूला चिनियाँ कन्टेनरमार्फत व्यवसायी सामग्रीसहित रसुवागढी आउन थालेपछि नेपालका २८ वटा नेपाली कन्टेनरले दैनिक रोजगारी पाउने आशा पलाएको व्यवसायीले बताएका छन्। पहिलो चरणको कोरोना मन्थर भएपश्चात् पहिलो चरणमा तीन, छ हुँदै नौवटा कन्टेनरद्वारा सामग्री आयात भइरहेको थियो।

प्रकाशित: Mar 12, 2022| 15:03 शनिबार, फागुन २८, २०७८