काठमाडौं- घरमा हुने आगलागीबाट महिलाहरू बढी दुर्घटनामा पर्ने तथ्यांकले देखाएको छ। यही तथ्यलाई मध्यनजर गरी धनगढी उप-महानगरपालिका, यूरोपेलि आयोग र संयुक्त राष्ट्रसंघिय विकास कार्यक्रमको आयोजनामा मुस्लिम समुदायका महिलालाई घरेलु आगलागी नियन्त्रण सम्बन्धि तालिम दिइएको छ।
अन्तर्राष्ट्रिय महिला दिवसको अवसरमा धनगढी उप-महनगरपालिका वडा नं १ मा रहेको मदरसा नुरुन्न नवीमा एक दिने आगलागी नियन्त्रणको तालिम दिइएको हो।
कार्यक्रममा धनगढी उप-महानगरपालिकाका उप-प्रमुख शुशिला मिश्र भट्टले सहभागिता जनाउँदै तालिमले महिलाको क्षमता विकासले समाजको अग्रशीलता कायम हुने बताइन्।
धनगढी उप-महानगरपालिकाले शहरी विपद् र भूकम्प पूर्वतयारीको लागी यूरोपेलि आयोग र यूएनडिपीसँग सहकार्य गर्दै आएको छ।