नेपाली उत्पादनबारे बहराइनीलाई चासो

बहराइन अधिराज्यको बालबालिका तथा मातृ कल्याण समाजको संयोजकत्वमा सञ्चालित अन्तर्राष्ट्रिय राजदूतावास मेलामा नेपालले पहिलोपटक सहभागी भएर आफ्ना उत्पादन प्रवर्द्धन गरेको उक्त दूतावासले आज जनाएको छ।

नेपाल समय | आइतबार, फागुन २२, २०७८

नेपाल समय

आइतबार, फागुन २२, २०७८

बहराइन- बहराइनमा पस्मिना सल, चिया, हस्तकलाका सामग्रीलगायत नेपाली उत्पादनको प्रवर्द्धन गरिएको छ। मनामास्थित नेपाली दूतावासले सोही स्थानमा ती सामग्रीको हालै प्रवर्द्धन गरेको हो।

कार्यक्रमका विशेष अतिथि बहराइनको राजपरिवारका सदस्य शेख लुल्वा विन्ट खलिफा अल खलिफाले नेपाल कक्षको अवलोकन गरी पस्मिना सल तथा हस्तकलाका सामान खरिद गरेका थिए। नेपाली उत्पादनको प्रशंसा गर्दै चिया, पस्मिनालगायत सामग्रीमा अन्य आगन्तुकले रुचि देखाएका थिए।

कार्यक्रममा आगन्तुकलाई नेपाल भ्रमण गर्न अभिप्रेरित गर्ने प्रवर्द्धनात्मक सामग्री पनि प्रदान गरिएको थियो।

प्रकाशित: Mar 06, 2022| 16:15 आइतबार, फागुन २२, २०७८