१३ र १७ वर्षीया बालिकालाई जबरजस्ती करणी गरेको तीन जना पक्राउ

दैलेख- दुई १३ र एक १७ वर्षीया बालिकालाई जबरजस्ती करणी गरेको अभियोगमा तीन जना पक्राउ परेका छन्। १३ वर्षीया बालिकालाई जबरजस्ती करणी गरेको अभियोगमा दैलेखको चामुनण्डाबिन्दाशैनी नगरपालिका-४ नाओ बस्‍ने २४ वर्षीय नबिन शाही पक्राउ परेका छन्। नबिनले आफ्नै घरमा ती बालिकालाई जबरजस्ती करणी गरेको भन्‍ने खबर प्राप्त हुनासाथ प्रहरी चौकी जम्बुकाधबाट खटिएको प्रहरीले उनलाई पक्राउ गरेको हो । 

त्यसैगरी ललितपुरको गोदावरी-५ लेलेमा १३ वर्षीया बालिकालाई जबरजस्ती करणी गरेको अभियोगमा चम्पेश्वरी बस्ने सल्यानको कालिमाटी गाउँपालिका-१ पोखरा घर भएका २३ वर्षीय प्रकाश भन्‍ने छबिलाल खड्कालाई पक्राउ परेका छन्। खड्काले ती बालिकालाई ललाई फकाई गोदावरी नगरपाल-का(५ लेलेस्थित तरकारी खेती गरेको टनेलमा लगि बिहीबार जबरजस्ती करणी गरेको भन्‍ने खबर प्राप्त हुनासाथ प्रहरी चौकी टिकाभैरब र महानगरीय प्रहरी वृत्त चापागाँउबाट खटिएको प्रहरीले उनलाई पक्राउ गरेको हो।  

झापामा १७ वर्षीया किशोरीलाई जबरजस्ती करणी गरेको अभियोगमा बुद्धशान्ती गाउँपालिका-२ खतिवडा चोक बस्ने २५ वर्षीय रोहित शिवालाई पक्राउ परेका छन्। रोहितले गत फागुन १२ गते ती बालिकालाई ललाई फकाई आफ्नो घरमा लगि जबरजस्ती करणी गरेको भन्ने जाहेरी प्राप्त भएपश्चात ईलाका प्रहरी कार्यालय बुधबारेबाट खटिएको प्रहरीले उनलाई पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जनाइएको छ।