लागूऔषधसहित तीन जना पक्राउ

कञ्चनपुर- कञ्चनपुरमा लागुऔषधसहित तीन जना पक्राउ परेका छन्। संघीय लागूऔषध प्रहरी इकाई कार्यालय नियन्त्रण सेल महेन्द्रनगर र जिलला प्रहरी कार्यालयबाट खटिएको संयुक्त प्रहरी टोलिले एकजनालाई पक्राउ गरेको हो।  

भिमदत्त नगरपलिका-१८ कटानबाट पैदल हिड्दै गरेका बेदकोट नगरपालीका-६ का १९ वर्षीय दिवश अवस्थीलाई पक्राउ गरेको जिल्ला प्रहरी कार्यालय कञ्चनपुरले जनाएको छ।  

उनको साथबाट कालो झोलामा लुकाई छिपाई गरी राखेको ३.२९ ग्राम खैरो हिरोइन फेला परेको प्रहरीले जनाएको छ। उनलाई कानुन बमोजिम थप अनुसन्धान भइरहेको बताइएको छ। 

यस्तै सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत खटिएको प्रहरी टोलीले थप एक जनालाई लागुऔषधसहित पक्राउ गरेको छ। 

पुनर्बास नगरपालिका-८ बस्ने २६ वर्षीय राजबहादुर सुनार र सोही ठाउँ बस्ने २१ वर्षीय सुनिल ओझालाई पक्राउ गरेको हो। 

उनीहरूको साथबाट १ ग्राम खैरो हिरोइन फेला परेको गणले जनाएको छ। उनीहरूलाई कानून बमोजिम कारबाहिका लागि इृलाका प्रहरी कार्यालय त्रिभुबनबस्तीमा भुझाइएको प्रहरीले जनाएको छ।