सर्पले टोकेपछि अस्पताल भर्ना भएका सलमान खान डिस्चार्ज

खानको हतमा सर्पले डसेको थियो। यसपछि उनलाई मुम्बईकै अस्पतालमा भर्ना गरिएको थियो। खान अहिले घरमै आराम गरिरहेका छन्।

नेपाल समय | आइतबार, पुस ११, २०७८

नेपाल समय

आइतबार, पुस ११, २०७८

सर्पले टोकेपछि अस्पताल भर्ना भएका सलमान खान डिस्चार्ज

मुम्बई- सर्पले टोकेपछि अस्पताल भर्ना भएका बलिउड अभिनेता सलमान खानलाई डिस्चार्ज गरिएको छ। शनिबार राती पानभेलस्थित आफ्नै फार्म हाउसमा खानलाई सर्पले टोकेपछि अस्पताल भर्ना गरिएको थियो।

खानलाई अविषालु सर्पले टोकेको र गम्भीर स्वास्थ्य समस्या नदेखिएपछि डिस्चार्ज गरिएको अस्पताल स्रोतले उल्लेख गरेको छ।

'शनिबार राती आफ्नै फार्म हाउसमा उनलाई सर्पले टोकेको थियो। यसपछि आइतबार बिहान उनलाई अस्पताल भर्ना गरियो। अस्पतालमा ६ घण्टा रहेपछि डिस्चार्ज गरिएको छ,' अभिनेता खान निकट स्रोतले भनेको छ।

सोमबार खानको ५६औँ जन्मदिन परेको छ। जन्मदिनको २ दिन अघि मात्र खानलाई सर्पले टोकेको हो। गत महिना मात्र उनले अभिनय गरेको फिल्म 'अन्तिम' रिलिज भएको थियो।

प्रकाशित: Dec 26, 2021| 14:47 आइतबार, पुस ११, २०७८